ВернутьсяГлавная O'zbek tilidagi kanallar Телеграм Канал Gazetauz Ozbekiston yangiliklari
Gazeta.uz - O‘zbekiston yangiliklari

Телеграм Канал " Gazeta.uz - O‘zbekiston yangiliklari "

@ gazetauz_ozb

O'zbek tilidagi kanallar

4 510   245   0   0   13.01.21
Оценить:
O‘zbekiston yangiliklari. Rasmiy sayt www.gazeta.uz/uz

Tahririyat:
@gazetauz_muloqot
+998 78-148-10-15

Reklama:
@AfishaMedia_Abdumalik
+998 78-148-14-15

Kiril alifbosidagi kanal:
@gazetauz_uzb

Rus tilidagi kanal:
@gazetauz
Открыть в Telegram
Поделиться в социальных сетях:
Последние записи канала @gazetauz_ozb:
«Buxoro boshqa viloyatlardan 10 yil orqada qolyapti» — prezident

Shavkat Mirziyoyev Xalq deputatlari Buxoro viloyati kengashining yigʻilishida hududni ijtimoiy-iqtisodiy rivojlantirish vazifalariga toʻxtaldi.

«Buxoroning bugungi rivoji maʼqulmi, degan savolga mening javobim: yoʻq. Boshqa viloyatlardagi rivojlanishdan 10 yil orqada qolyapti. Korruptsiya, poraxoʻrlik barham topmayapti. Yalpi hududiy mahsulotda qishloq xoʻjaligi ulushi 50 foiz ekani eski zamondan nishon. Sanoat, xizmat koʻrsatish, tadbirkorlik boʻyicha viloyatning imkoniyatlari juda keng. Tuman hokimlari, sektor rahbarlarining dunyoqarashi oʻzgarishi kerak», — dedi Shavkat Mirziyoyev.

Viloyatdagi 544 ta mahallaning har biri oʻrganilib, 333 tasi «qoniqarli», 182 tasi «oʻrta» va 29 tasi «past» rivojlanish toifalariga ajratilganligi aytildi. 

Kanalga obuna bo`ling
👉 @gazetauz_ozb
Dam olish kunlari sovuq havo saqlanib turadi

Bugun mamlakatning barcha hududlari Rossiyaning Yevropa hududidan kirib kelgan sovuq antitsiklon taʼsiri ostida boʻladi, deya xabar berdi Oʻzgidromet.

Kun davomida koʻp hududlarda qor yogʻishi kuzatiladi, faqat shimoliy hududlarda yogʻingarchilik boʻlishi ehtimoli kamroq. Havo harorati 2-5 daraja sovuq boʻladi.

Shanba kuni respublikaning shimoliy va sharqiy hududlarida biroz qor yogʻishi mumkin. Havo harorati kechasi 5-10 daraja sovuqni, kunduzi 0-5 daraja sovuqni tashkil etadi.

Yakshanba kuni yogʻingarchilik kutilmaydi, faqat togʻ oldi va togʻli hududlarda kechasi va ertalab biroz qor yogʻishi mumkin. Kechasi 5-10 darajagacha boʻlgan sovuq kuzatiladi, kunduzi havo biroz manfiy qiymatlargacha isiydi va 0-3 daraja iliq atrofida boʻladi.

Kanalga obuna bo`ling
👉 @gazetauz_ozb
Prezident Shuhrat Gʻaniyev va qishloq xoʻjaligi vaziri eplay olmasa, ularni boʻshatishini aytdi

Shavkat Mirziyoyev Buxoro shahrida Xalq deputatlari viloyat kengashining yigʻilishida qishloq xoʻjaligi orqada ekanligi va uni mutlaqo qoniqtirmasligini taʼkidladi, deya yozmoqda Kun.uz.

«Suvni tejashni qachon oʻrganamiz? Tomchilatib sugʻorishni qachon kengaytiramiz? Men Xoʻjayevni [qishloq xoʻjaligi vaziri Jamshid Xoʻjayev – tahr.] qattiq ogohlantirdim. Agar eplay olmasa ishdan olaman.

Qishloq xoʻjaligimiz ham qoniqtirmaydi. Haligacha sobiq ittifoq uslubida ishlayapmiz. Men 1993 yilda Yevropaga borganimda koʻrganman, tuproqqa tushadigan har bir tomchi suv, har gramm oʻgʻitning aniq hisob-kitobi bor. Biz qachon hosildorlikni, daromadni koʻpaytiramiz?

Gʻaniyevni [bosh vazir oʻrinbosari Shuhrat Gʻaniyev – tahr.] ham ogohlantirdim, tizimni toʻgʻri yoʻlga qoʻymasa, ishdan ketadi», — dedi prezident.

Kanalga obuna bo`ling
👉 @gazetauz_ozb
170 dan ortiq madaniyat obyektlari xususiy boshqaruvga oʻtkaziladi

Hukumat qaroriga koʻra, davlat-xususiy sheriklik asosida beriladigan 172 ta davlat mulki obyektining roʻyxati tasdiqlandi.

Qarorga asosan, madaniyat markazlari, istirohat bogʻlari va boshqalarni oʻz ichiga olgan obyektlar oʻz faoliyat turlarini saqlab qolish sharti bilan oʻtkaziladi.

Tashabbuskorlarga madaniyat va sanʼat sohasiga yaqin boʻlgan:
🔹 xizmat koʻrsatish;
🔹 kichik ishlab chiqarish;
🔹 savdo faoliyati turlari bilan shugʻullanishga ruxsat etiladi.

Madaniyat vazirligi va «Oʻzbekkino» Milliy agentligi bilan kelishmasdan ularning tizimidagi kinoteatrlar, madaniyat markazlari, madaniyat va istirohat bogʻlari, teatrlar, bolalar musiqa va sanʼat maktablarining koʻchmas mulklarini xususiylashtirish va yer maydonlarini mahalliy hokimliklar zaxirasiga olishga ruxsat berilmaydi.

Kanalga obuna bo`ling
👉 @gazetauz_ozb
Yangi-Angren IESdagi portlash boʻyicha jinoyat ishi ochildi

Avvalroq, Yangi-Angren IESning 5-energiya blokida chang-koʻmirli havo aralashmasining chaqnashi natijasida kelib chiqqan yongʻin sababli 3 nafar ishchi voqea joyida vafot etgan, yana 3 nafari turli darajadagi kuyish tan jarohatlarini olgani haqida xabar bergan edik.

Bosh prokuratura matbuot xizmati rahbari Hayot Shamsutdinov «Gazeta.uz»ning soʻroviga koʻra, holat yuzasidan Angren shahar prokuraturasi olib borgan tergovga qadar tekshiruv harakatlari yakunlanganini maʼlum qildi.

Shunga koʻra, Jinoyat kodeksining 257-moddasi 2-qismi «a, b» bandlari (Mehnatni muhofaza qilish qoidalarini buzish odam oʻlishi va boshqa ogʻir oqibatlar kelib chiqishi) bilan jinoyat ishi qoʻzgʻatilgan.

Hozirda tergov harakatlari olib borilmoqda.

Kanalga obuna bo`ling
👉 @gazetauz_ozb
⛔️ Samarqand va Qashqadaryoni bogʻlovchi dovon vaqtincha yopildi

Koʻp miqdorda qor yogʻganligi sababli Samarqand va Qashqadaryo viloyatlarini bogʻlovchi «Taxtaqoracha» 🗻dovoni orqali 🚘 transport vositalarining harakati vaqtincha toʻxtatildi.

❗️Maxsus texnikalar orqali yoʻlni qordan tozalash ishlari olib borilmoqda, deya xabar bermoqda IIV YHXBB axborot xizmati.

Kanalga obuna bo`ling
👉 @gazetauz_ozb
Kanadaning general-gubernatori isteʼfoga chiqdi

Kanada ijrochi hukumati boshqaruvchisi Juli Peyett ish joyida «zaharli muhit» yaratganlikda ayblanganidan soʻng isteʼfoga chiqishini eʼlon qildi.

Uning idorasidagi xodimlar jamoat oldida haqorat qilishlar va kamsitilishlar boʻlganidan shikoyat qilishgan. 2020-yil iyul oyida Kanada Maxfiy kengashi idorasi, CBC telekanalining xabariga javoban tekshiruv ishlarini boshlab yuborgan edi. Telekanal xabarida 10 nafardan ortiq shaxslari sir saqlangan davlat xizmatchilari Peyettning Rido-xoll rezidentsiyasi xodimlarini omma oldida soʻkkani va haqorat qilgani aytilgan.

Kanada general-gubernatori Buyuk Britaniya qirolichasi Yelizaveta II ning vakili hisoblanadi. Juli Peyett ushbu lavozimda 2017-yil 2-oktyabrdan beri faoliyat yuritib kelayotgan edi.

Kanalga obuna bo`ling
👉 @gazetauz_ozb
❗️ Oʻzbekiston boʻylab 550 mingdan ortiq isteʼmolchi elektrsiz qoldi 

Bu haqda «Hududiy elektr tarmoqlari» AJ boshqaruvi raisining birinchi oʻrinbosari Jahongir Obidjonov brifingda xabar berdi.

💡 21 yanvar kuni boshlangan va hozir davom etayotgan kuchli shamol, qor boʻroni oqibatida havo elektr tarmoqlari hamda trasformator punktlariga yetkazilgan shikast natijasida, respublika boʻyicha, 110 kV kuchlanishli 7 dona havo liniyalarida va 6-10 kV kuchlanishli 476 dona havo liniyalarida uzilishlar vujudga kelgan.

Hozirda  elektr energiyasiz qolgan 350.200 dan ortiq yoki deyarli 60 foizi qayta tarmoqqa ulangan. 

🚧 Hozirda respublika boʻyicha 6-10 kV kuchlanishli 229 dona havo liniyalarda uzilishlar mavjud boʻlib, ularda taʼmirlash-tiklash ishlari davom ettirilmoqda.

Noqulay ob-havo sharoiti ayrim hududlarda bugun ham davom etishini hisobga olib,  «Hududiy elektr tarmoqlari» AJ aholini elektr energiyasida vujudga kelishi mumkin boʻlgan uzilishlardan ogohlantirdi. 

Kanalga obuna bo`ling
👉 @gazetauz_ozb
Toshkentda avtobus va maxsus transport uchun alohida yoʻlaklar tashkil etiladi

Toshkent shahrining 10 ta koʻchalarida avtobus, yoʻnalishli taksi, tez tibbiy yordam, oʻt oʻchiruvchi mashinalar harakati uchun alohida ajratilgan yoʻlaklar tashkil etilishi rejalashtirilmoqda.

Maʼlum qilinishicha, ushbu yoʻlaklar tirbandliklarni bartaraf etish hamda yoʻlovchilarni oʻz vaqtida tashish bilan bir qatorda, favquloddagi xizmat mashinalari (tez tibbiy yordam va oʻt oʻchirish transport vositalarining) ishlarini tezkorlik bilan bajarishiga yordam beradi.

Alohida ajratilgan yoʻlaklarda shaxsiy avtoulovni boshqarish taʼqiqlanadi.

Koʻchalar roʻyxati: https://www.gazeta.uz/oz/2021/01/22/tashkent-roads/?utm_source=push&utm_medium=telegram

Kanalga obuna bo`ling
👉 @gazetauz_ozb
This media is not supported in your browser
VIEW IN TELEGRAM
Toshkentda 4 ta avtomashina ishtirokida YTH roʻy berdi

21 yanvar kuni taxminan soat 15.40 da Kichik xalqa avtomobil yoʻlida, Ashxobod parki yaqinida toʻrtta avtomobil: 35 yoshli D. T. boshqaruvidagi«Matiz», 46 yoshli A.A. boshqaruvidagi «Spark», 42 yoshli D. I.«Toyota» hamda 47 yoshli S. S. boshqaruvidagi «Nexia» avtomobillari toʻqnashgan. Bu haqda Toshkent shahar IIBB matbuot xizmati xabar berdi.

Aniqlanishicha, YTH oqibatida «Matiz» avtomobili haydovchisi va yoʻlovchisi 44 yoshli B.M., «Toyota» haydovchisi, hamda «Nexia» avtomobili yoʻlovchilari (36 yoshli A.S. va 7 yoshli R.S.) badan shikastlari bilan shifoxonaga yetqizilgan.

Hozirgi vaqtdagi maʼlumotlarga koʻra, «Matiz» avtomobili yoʻl harakati qoidalarini buzgan holda qarama qarshi harakat yoʻnalishiga chiqqan.

Tergov oldi tekshiruvi olib borilmoqda.

Video: «Gazeta.uz»

Kanalga obuna bo`ling
👉 @gazetauz_ozb
Zinedin Zidan koronavirus yuqtirib oldi

Madridning «Real» futbol klubi bosh murabbiyi Zinedin Zidan koronavirus yuqtirib oldi, deya xabar berdi jamoaning matbuot xizmati. 

Hozircha mutaxassisning ahvoli qanday ekani toʻgʻrisida maʼlumot berilmagan.

Kanalga obuna bo`ling
👉 @gazetauz_ozb
AQSh Xonobod bazasida xizmat qilgan harbiylarni tibbiy koʻrikdan oʻtkazadi

AQSh sobiq prezidenti Donald Tramp 19 yanvar kuni 2001 yildan 2005 yilga qadar Oʻzbekistondagi Qarshi-Xonobod bazasida xizmat qilgan barcha faxriylarni tibbiy koʻrikdan oʻtkazish boʻyicha qarorni imzolagan. Bu haqda AQSh Oq uyi maʼlumot berdi.

Maʼlum qilinishicha, Xonobod zonasi kimyoviy qurol qoldiqlari, qayta ishlangan radioaktiv uran va boshqa xavfli moddalar bilan zaharlangan boʻlgan.

2015 yilda oʻtkazilgan tadqiqotlarga koʻra, u yerda xizmat qilganlarning kamida 61 nafari saraton kasalligiga chalingan yoki bu kasallik tufayli vafot etgan.

Batafsil: www.gazeta.uz/oz/2021/01/22/karshi-khanabad/?utm_source=push&utm_medium=telegram

Kanalga obuna bo`ling
👉 @gazetauz_ozb
Tojikistonda Millat yetakchisi muzeyi ochildi

Tojikiston prezidenti Emomali Rahmon 22-yanvar kuni Dushanbedagi Tojikiston milliy universiteti (TMU) da «Millat yetakchisi» muzeyini ochdi, deb xabar berdi Asia-Plus.

Muzey universitet ilmiy kengashining qarori bilan «Iqtisodiyot fakulteti bitiruvchisi Emomali Rahmonning uning xalq va davlat oldidagi xizmatlarini abadiylashtirishiga bagʻishlangan holda» tashkil etilganligi qayd etildi.

Tojikiston prezidenti matbuot xizmatining xabar berishicha, muzeyda Emomali Rahmonning talabalik hujjatlari, talabalik davriga bagʻishlangan fotosuratlar, aksessuarlar va boshqa materiallar kabi eksponatlar mavjud.

Emomali Rahmon 1977-1982 yillarda TMUning Iqtisodiyot fakultetida tahsil olgan.

Kanalga obuna bo`ling
👉 @gazetauz_ozb
Prezident buxorolik mehnat faxriysi xonadonida mehmon boʻldi

Shavkat Mirziyoyev Buxoro shahrining Nizomiy mahallasida qurilgan zamonaviy uylarni ham borib koʻrdi. Ilgari bu hududda pana-pastqam, kanalizatsiyasi yoʻq uylar boʻlib, shahar koʻrkini buzib turardi. Oʻtgan yili bu yerda 7 qavatli zamonaviy uylar, savdo va xizmat koʻrsatish shoxobchalari barpo etildi.

Davlat rahbari mehnat faxriysi Neʼmat ota Xotamov xonadoniga kirdi. Dasturxon atrofida dildan suhbat boʻldi. Bu oila oldin shu mahalladagi eski uyda istiqomat qilar edi. Prezident oʻzbek xalqi mana shunday zamonaviy sharoitlarda yashashga munosib ekanini taʼkidladi.

Shu yerda Buxoro viloyatida avtomobil yoʻllari qurish va taʼmirlash, Buxoro shahrida oqova suv inshootlari qurish, eski koʻp qavatli uylar qiyofasini yangilash rejalari haqida axborot berildi.

Davlat rahbari ikki kunlik safarini shu yerda yakunlab, Toshkentga qaytib keldi.

Kanalga obuna bo`ling
👉 @gazetauz_ozb
Qoʻmita koʻp qavatli uylarga liftlar oʻrnatish boʻyicha "Texnopark" monopoliyasini qonunga zid deb atadi

Uy-joy kommunal xizmati mamlakat boʻylab koʻp qavatli uylarda liftlarni taʼmirlash va yangilash ishlarini bosh pudratchi sifatida «Texnopark» kompaniyasiga topshirishni taklif qildi. Lekin hukumat qaroriga koʻra, ijrochilar tender va tanlovlar asosida tanlanishi lozim ekanligi taʼkidlangan. 

Monopoliyaga qarshi kurashish qoʻmitasi ushbu holat boʻyicha oʻz xulosasini berdi.

Qoʻmita xulosasida «Texnopark»ka yuqoridagi vazifalarni topshirish "Raqobat toʻgʻrisidagi" qonunga va prezidentning 2017 yil 8 sentyabrdagi farmoniga zid ekanligi aytilgan. Xususan, bu bilan alohida xoʻjalik yurituvchi subʼektlarga asossiz ravishda eksklyuziv huquqlar, individual imtiyozlar va preferentsiyalar berish bilan bogʻliq boʻlgan punktlar buzilmoqda.

Kanalga obuna bo`ling
👉 @gazetauz_ozb
Jo Bayden COVID-19'ga qarshi kurash boʻyicha strategiyani tasdiqladi

AQSh prezidenti Jo Bayden COVID-19'ga qarshi kurashning milliy strategiyasini tasdiqladi, deya xabar berdi The New York Times. 

Strategiyaga koʻra, testlarni yetkazib berishni kengaytirish, jamoat transportida niqobli rejimni joriy etish, maktablarga va ish beruvchilarga oʻquvchilar va ishchilar xavfsizligini taʼminlashda yordam berish va boshqalar koʻzda tutilgan. Shuningdek, mamlakatga kelayotgan xorijliklarda COVID-19 boʻyicha salbiy test mavjud boʻlishi kerak.

Bundan tashqari, Bayden N95 turidagi jarrohlik niqoblari, shchpritslar, izolyatsion xalatlari va shu kabi boshqa mahsulotlarning ishlab chiqarilishini kengaytirish boʻyicha buyruq berdi.

Kanalga obuna bo`ling
👉 @gazetauz_ozb
Yangi-Angren IES qurbonlari oilalariga 105 mln soʻmdan kompensatsiya toʻlandi

Yangi-Angren EISdagi portlash oqibatida uch kishi vafot etib, yana uch kishi shifoxonaga yotqizilgan edi. Korxona olamdan oʻtgan uch nafar ishchining oila aʼzolariga 105 mln soʻmdan kompensatsiya hamda dafn marosimi uchun 4,8 mln soʻmdan moddiy yordam koʻrsatdi.

«Gazeta.uz»ga Energetika vazirligi maʼlum qilishicha, qurbonlarning ikki nafari ayol va bir nafari erkak boʻlgan.

«Xalq soʻzi» korxona ishchilariga tayanib yozishicha, ularning ijtimoiy muhofazasi rahbariyat eʼtiboridan chetda qolmoqda. Texnik xavfsizlik talablari buzilyapti. Mehnat muhofazasi yaxshi yoʻlga qoʻyilmagan. Mavjud ichki tartib-intizom meʼyorlariga ham deyarli ahamiyat berilmaydi.

Avvalroq, Angren shahar prokuraturasi JKning 257-moddasi 2-qismi «a, b» bandlari bilan jinoyat ishi ochgan edi.

Batafsil: www.gazeta.uz/oz/2021/01/22/yangi-angren/?utm_source=push&utm_medium=telegram

Kanalga obuna bo`ling
👉 @gazetauz_ozb
Jahon yangiliklari dayjesti

🇳🇱 Niderlandiya parlamenti Ikkinchi Jahon Urushidan beri birinchi marta komendantlik soatini joriy etdi. Qoidani buzganlik uchun 95 yevro miqdorida jarima solinadi.

🇯🇵 Yaponiyada oʻz joniga qasd qilishlar soni 10 yildan ortiq vaqt ichida ilk bor oshdi. Maʼlumotlarga koʻra, 2020 yilda Yaponiyaning 20 mingdan ortiq fuqarosi oʻz joniga qasd qildi.

🇧🇷 Braziliyaning Rio-de-Janeyro shahri rahbari Eduardo Payes koronavirus pandemiyasi sababli bu yil mashhur karnaval bekor qilinganligini eʼlon qildi.

🇬🇧 Buyuk Britaniya hukumati fuqarolarda koronavirus aniqlangan boʻlsa va ular uyda oʻz-oʻzini yakkalashsa ularga pul toʻlashni (oyiga 500 funt sterling) taklif qilmoqdalar.

🇮🇶 Iroqda Bogʻdoddagi yirik teraktdan soʻng mamlakat xavfsizlik idoralarining qator rahbarlari lavozimlaridan ozod qilindi.

Batafsil: www.gazeta.uz/oz/2021/01/22/digest53/?utm_source=push&utm_medium=telegram

Foto: Rio-de-Janeyro karnavali

Kanalga obuna bo`ling
👉 @gazetauz_ozb
Похожие каналы:

 
Telegram – наиболее востребованный, удобный, безопасный и многофункциональный мессенджер.
В нашем каталоге представлены самые актуальные каналы Telegram
 
Администрация сайта не несёт ответственности за содержание тех или иных ресурсов и в случае необходимости оставляет за собой право удаления каналов из каталога.